1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Барања за истрага за инцидентите на Видовден

Мисијата на ОБСЕ на Косово денеска (29.06) побара да се спроведе темелна истрага за вчерашните инциденти на Косово. Српскиот претседател Томислав Николиќ ги осуди нападите врз српски цивили на Видовден.

default

Шефот на мисијата на ОБСЕ на Косово, амбасадорот Вернер Алмхофер, денеска ги осуди насилните инциденти што се случија за време на Видовден и побара темелна истрага.

Во инцидентите за време на вчерашното одбележување на Видовден на Косово и на административната граница со Србија, како и во нападот на автобус со српски ученици во Приштина, повредени беа десетици граѓани, од кои неколкумина потешко. Меѓу повредените имаше и деца и припадници на косовската полиција.

Како што е соопштено од ОБСЕ, Алмхофер побара да се испитаат и наводите за прекумерна употреба на сила од страна на косовските полицајци. „Пријавените напади на полицијата врз луѓе кои патувале со автобуси се неоприфатливи и јас силно ги осудувам“, наведе Алмхофер, додавајќи: „Загрижен сум за извештајот за прекумерна употреба на сила од страна на некои служебници на полицијата и го повикувам косовскиот инспекторат за полиција да го истражи секое лошо однесување на полицијата“.

Tomislav Nikolic

Томислав Николиќ

Претседателот на Србија Томислав Николиќ најостро го осуди нападот врз српски цивили за време на вчерашното одбележување на верскиот празник Видовден на Косово. Прес-службата на претседателот соопшти дека Николиќ истакнал оти „таквите акции се неприфатливи и претставуваат отворена провокација во момент во кој е потребно смирување на тензиите во јужната покраина пред продолжувањето на дијалогот“.

Според Николиќ, одговорноста за нападите лежи исклучиво врз властите во Приштина: „Таквото кршење на човековите права не придонесува за воспоставување стабилност во регионот“, оценува Николиќ.