1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Бан Ки Мун бара крај на насилството во Египет

Референдумот за новиот египетски Устав е засенет од немири во кои единаесет лица го загубија животот. Генералниот секретар на ОН апелира на мир, барање што се чини се игнорира во Египет.

Генералниот секретар на ОН Бан Ки Мун порача дека го следи гласањето за новиот Устав во Египет. Сите Египќани би требало да смеат да го изнесат своето мислење, без сила и во земјата треба да се гарантира дека претстојната преодна фаза ќе биде транспарентна и ќе протечне мирно, апелира првиот дипломат на светската организација. Меѓутоа неговото барање дека мора да се почитува слободата на мислење и собирање, се чини дека не е слушнато.

Имено исламистичкото Муслиманско братство, од чии редови е соборениот претседател Мохамед Мурси, во многу градови се судири со полицијата. Најголемите немири беа регистрирани во градот Сохаг, јужно од Каиро. Таму погинаа четворица демонстранти и тројца полицајци. Во градот Гиза животот го загубија четворица демонстранти.

Референдумот за новиот Устав претставува огромен безбедносен потфат. Според официјални податоци околу 30.000 избирачки места ги обезбедуваат 250.000 војници и полицајци.

Во рок од три години Египќаните по третпат се повикани да се изјаснат за нов Устав. Право на глас имаат 53 милиони граѓани. Набљудувачите оценуваат дека тој на граѓаните им овозможува поголеми права. Меѓутоа критичарите укажуваат дека со новиот Устав уште повеќе се зацврстува позицијата на и онака моќната египетска армија.

Рферендумот завршува денеска (15.01). Резултати се очекуваат 72 часа по затворањето на избирачките места.