1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Бан: Атомското оружје не е играчка

Генералниот секратар на ОН Бан Ки Мун ја повика Северна Кореја да го смени курсот во конфликтот со Јужна Кореја и САД. Северна Кореја се’ повеќе запаѓа во меѓународна изолација.

Доколку биде неопходно Јужна Кореја е подготвена на евакуација на работниците од заедничката економска зона поради спорот со Северна Кореја. „Доколку ситуацијата го бара тоа подготвени сме да ги повлечеме јужнокорејските работници за да ја гарантираме нивна безбедност“, изјави денеска министерот за повторно обединување Рио Кил Је. Но, за тоа немало непосредни планови. „Во моментов не сме на мислење дека постои опасност“. Вчера во индустриската зона Кесон имаше уште 608 јужнокорејски работници.

САД во конфликтот со Северна Кореја според сопствени наводи ги презеле „сите неопходни превентивни мерки“. Портпаролот на американскиот претседател Џеј Карни истовремено заканите со војна од страна на Северна Кореја ги означи како „познати шеми на однесување“ на раководството во Пјонгјанг.

Nordkorea erklärt Kriegszustand

Агресивна воена реторика на северна Кореја

Генералштабот на северно корејската Народна партија претходно соопшти дека официјално било дадено зелено светло за атомски напад врз САД. Американската влада во Вашингтон упати барање до Пјонгјанг да запре со воената реторика. Со оглед на константните закани Пентагон најави стационирање на систем за против ракетна одбрана на американскиот остров на Пацификот Гуам.

Генералниот секретар на ОН Бан Ки Мун по средбата со шпанскиот премиер Маријано Рахој предупреди од опасноста, конфликтот на кореанскиот полуостров да излезе од контрола. „Работите отидоа предалеку“, изјави Бан и дополни: „Загрижен сум бидејќи секоја грешка и секоја погрешна проценка можат во сегашната состојба на Кореанскиот Полустров да предизвикаат криза, која би можела да има особено тешки последици“. Сите страни треба да придонесат за намалување на затегнатоста, опомена Бан.

„Атомското оружје не е играчка“, заклучи Бан при посетата на Мадрид.

Ракети со ограничен домет

Експертите сметаат дека Северна Кореја во моментов не е во состојба да го нападне американското копно. Пјонгјанг се заканува и со напади врз Гуам и Хаваи како и Јужна Кореја и Јапонија, каде се стационирани дестици американски војници.

Поради ваквата агресивна воена реторика и атомското вооружување Северна Кореја запаѓа во се’ поголема изолација дури и кај нејзините последни сојузници. Однесувањето на севернокорејското раководство исто така не нуди можност за обновување на шестпартитните преговори, појасни руското министерство за надворешни работи.

Кина изминатите денови невообичаено жестоко ја критикуваше Северна Кореја и побара крај на провокативните чекори од полуостровот.