1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Атина: Ако не го признава Кипар, за Турција нема место во ЕУ

Грчките власти реагираат на изјавите на турски претставници за непризнавање на постоењето на Кипар со став дека со такви размислувања Турција нема што да бара во Европската Унија

Грција не гледа никаква смисла за отпочнување на какви било преговори за членство на Турција во Европската унија, се додека Анкара не ја признае Република Кипар, изјави портпаролот на грчкото Министерството за надворешни работи, Константинос Кутрас.

Коментарот на Кутрас претставува реакција на изјавата на шефот на турската дипломатија Ахмед Давутоглу при потпишувањето на Договорот за реадмисија со Европската комисија, дека Турција не го признава постоењето на Кипар.

„Ако Турција не ги разбира и не ги прифаќа таквите прости и фундаментални факти, какви били конкретни преговори за нејзината европска перспектива немаат никаква практична смисла“, истакна Кутрас.

Изјавата на Давутоглу за непризнавање на Кипар не е прв таков став на висок турски претставник. Во ноември, турскиот премиер Реџеп Тајип Ердоган изјави дека „нема држава која се нарекува Кипар, туку има само грчко-кипарска администрација, која е примена во ЕУ од политчки причини“.

Поврзана содржина