1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Асанж му се обрати на Обама

Основачот на Викиликс Џулијан Асанж го повика американскиот претседател Барак Обама да запре со „ловoт на вештерки“ против неговата веб страница. Асанж ја испрати пораката во говорот од балконот на еквадорската амбасада.

„Барам од претседателот Обама да ја направи вистинската работа. САД мораат да го запрат ловот на вештерки против Викиликс“, порача Асанж балконот на амбасадата на Еквадор во Лондон, во првиот јавен говор откако оваа земја му даде политички азил. Тоа е всушност и негово прво појавување откако побегна во зградата на амбасадата пред два месеци. Во обраќањето до Обама, Асанж побара и ослободување од затвор на Бредли Менинг, кој е осомничен како канал преку кој протекле тајните документи објавени на Викиликс.

Во говорот Асанж ја поздрави храброста на Претседателот на јужноамериканската држава Еквадор, којшто ја покажал со доделувањето статус на азилант.

Wikileaks Gründer Julian Assange Aufenthalt Botschaft Ecuador in London

Новинари од цел свет го следеа обраќањето на Асанж

„Му благодарам на претседателот (Рафаел, н.з.) Кореја за храброста што тој ја покажа во разгледувањето и доделувањето на мојот политички азил“, рече Асанж пред насобраните светски медиуми пред амбасадата на Еквадор. Тој ја искористи приликата да им се заблагодари и на сите поддржувачи.     

Претходно во денот на новинарите им се обрати адвокатот на Асанж, Шпанецот Балтазар Гарзон, кој порача дека неговиот клиент има „борбен дух“. Тој додаде дека Асанж „секогаш се борел за правда“. Според Гарзон, секој насилен упад на британската полиција во зградата на амбасадата, за да се уапси Асанж, би бил „тешка повреда на меѓународното право“.

epa03365317 Spanish layer of Wikileaks founder Julian Assange, former Judge Baltazar Grazon (C), delivers a statement outside the Ecuador Embassy where Assange has sought political asylum in London, Britain 19 August 2012. Garzon said Mr Assange instructed his lawyers to carry out 'a legal action' to protect 'the rights of Wikileaks [and] Julian himself'.Tension has increased between Britain and Ecuador since the Ecuadorean government granted Assange diplomatic asylum on 16 August. EPA/FACUNDO ARRIZABALAGA

Балтазар Гарзон, адвокат на Асанж

Со одлуката на Еквадор за доделување статус на азилант за Асанж не се задоволни опозиционерите во земјата. Тие сметаат дека Еквадор не е местото каде Џулијан Асанж треба да бара засолниште, бидејќи таа земја е спротивност на сите принципи што Асанж и неговиот Викиликс јавно ги застапуваат и бранат. Еквадорските опозиционери тврдат дека целата работа околу давањето азил на Асанж е дел од предизборната кампања на левичарскиот претседател Рафаел Кореја, кој сака уште еден седумгодишен мандат. Според опозицијата, земјата се гуши во корупција, демократијата е сериозно задушена, а властите апсат новинари и активисти кои ја критикуваат власта.