1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Арапската лига бара дијалог во Сирија

Шефовите на дипломатиите од земјите членки на Арапската лига одлучија да не ја суспендираат од членство Сирија, и покрај жестоката пресметка со продемократските сили во земјата.

default

Знамињата на Арапската Лига, Сирија и Либан

Министрите за надворешни работи на Арапската лига одлучија да не ја суспендираат Сирија од членство, но ја повикаа владата во Дамаск да го запре насилството врз про-демократските демонстранти.

„Ги повикуваме и власта и опозицијата во рок од 15 дена да започнат дијалог“, изјави генералниот секретар на Арапската лига Набил Елараби.

Treffen der Arabischen Liga in Kairo Ägypten

Министрите за надворешни работи на заедничка маса на вчерашната средба во Каиро

Првиот дипломат на Катар, шеикот Хамад бин Џасем ал Тани изјави дека ќе бидат воспоставени потребните контакти со владата на Сирија и со опозициските групи за во рок од 15 дена да се свика во седиштето на Арапската лига конференција за национален дијалог во Сирија.

Сирискиот амбасадор во Египет Јусуф Ахмед го нарече сомнително и чудно свикувањето на вчерашната вонредна средба на арапските министри за надворешни работи.

„Се надевам дека таа средба не е поврзана со неуспехот на антисириската политика на САД во Советот за безбедност на Обединетите нации“, изјави Ахмед.

За време на заседанието на министрите на Арапската лига во Каиро, стотици демонстранти бараа суспендирање на Сирија.

Автор: БГ/СН/афп

Редактор: Жана Ацеска