1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Антиќ со Олимпијакос на европскиот трон

Голем триумф на грчкиот тим во финалето на најсилното европско кошаркарско натпреварување. Антиќ солиден во победата.

default

Кошаркарите на грчкиот Олимпијакос, со неверојатен пресврт, ја совладаа екипата на ЦСКА Москва со 62:61 и по вторпат во историјата на клубот станаа европски шампиони. Капитенот на македонската репрезентација, Перо Антиќ, стана вториот македонски кошаркар кој се искачил на европскиот врв по Петар Наумоски.

ЦСКА играше беспрекорно во првите 27 минути од финалето во Истанбул, кога ја имаше најголемата предност од 53:34, но од тој момент започна пресвртот на Олимпијакос.

Кошаркарите на Душан Ивковиќ последната четвртина ја добија со 22:8, а со кошот на Јоргос Принтезис, постигнат на 0,7 секунди до крајот стигнаа до титулата. Трагичар на натпреварот е искусниот Шушкаускас, кој на 9 секунди до крајот на мечот при резултат 61:60 за ЦСКА промаши две слободни фрлања.

Перо Антиќ во финалето одигра нешто повеќе од 18 минути, во тој период запиша 7 поени, 2 скока и една украдена топка. Папаниколау со 18 поени го предводеше Олимпијакос до победата, Спанулис постигна 15, а херојот на екипата од Пиреја, Принтезис мечот го заврши со 12 поени.

Теодосиќ со 15 поени, 4 скока и 3 асистенции беше најефикасен во поразениот тим, каде двоцифрен ефект имаа уште само Крстиќ -11 поени и Кириленко -12 поени.