1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Ал Каеда регрутира самоубијци преку огласи

Ал Каеда преку објава на огласи на интернет бара регрути, кои би спровеле самоубиствени бомбашки напади врз цели во САД, Израел, Франција и Британија. Повиците се објавени на веб страници на Арапскиот Полуостров.

Во огласите се бараат волонтери со кои преку електронска пошта ќе се стапи во контакт за деталите околу нивното искуство и предложените цели на напад. Тие се објавени на џихадистички форуми, вклучувајќи ги Ал-Фида, Шмук ал-Ислам и Хонеин.

„Целта на оваа обука е да се продолжи со нашите браќа, кои тежнеат да спроведат операции со многу големи убиства и колеж на непријателите на исламот“, стои во огласот на Ал Каеда со седиште во Јемен.

„Сега е јасно дека поединечниот џихадист, или како што се нарекува ’волк самотник’, стана се повеќе распространет и неговото влијание почна да се гледа. Сумирано, тоа е комплетна џихадистичка операција која се спроведува од еден бомбаш“, се дополнува во огласот на Ал Каеда.

Цел на нападите ќе бидат „оние кои се борат против муслиманите и исламот“, а посебно се нагласуваат „економските, воените и медиумските интереси на непријателот“.

„Нивниот идентитет мора да биде, според приоритетот, американски, израелски, француски и британски“, стои во огласот.

Ал Каеда и нејзините разграноци често ги користат џихадистичките интернет форуми за преземање одговорност за напади, како и за комуникација со следбениците.