Ужаснатост во Торонто

Алек М. од северниот дел на Торонто со изнајмено бело комбе возеше низ 15 блокови во канадскиот град и повеќепати се качуваше на тротоарот, косејќи ги притоа пешаците со брзина од 60 до 70 километри на час. Конечно комбито со демолирана хаоуба застана на тротоарот и полицијата го уапси напаѓачот. зад него останаа најмалку 10 загинати и 15 повредени луѓе. Нападот се случи вчера попладне по локално време.

Полицијата во меѓувреме е сигурна дека станувало зборо за целен напад, но нема индикации дека во прашање е терористички чин. 25-годишниот Алек М. досега не ѝ бил познат на полицијата, ниту пак е поврзан со какви било терористички организации, јавуваат канадските медиуми.

На видеото снимено од очевидец се гледа како напаѓачот држејќи некој предмет во раката им вика на полицајците: „Убијте ме“ и „Пукајте ми во главата“. Уапсен е меѓутоа без испален куршум. По неговото приведување, полицијата соопшти дека тој немал огнено оружје кај себе.

„Нашите срца се со оние кои се погодени“, изјави канадскиот премиер Џастин Трудо. Градоначалникот на Торонто Џон Тори истакна дека градот во моментов е во сигурни раце и повика да се задржи смиреноста. „Ова е време во кое треба да бидеме што е можно посмирени“, изјави Тори.