Ѕвездите на Бундеслигата
51. издание на Бундеслигата започнува на 9. август. Навивачите се надеваат на возбудливи мечеви, а таквото задоволство најчесто им го пружаат најдобрите во Лигата!
И тренерот е ѕвезда
Шпанец во Минхен: Пеп Гвардиола го замени тројниот шампион Јуп Хајнкес на клупата на Бајерн. Дали ќе биде успешен? Германски веќе зборува. Но, тоа не е најголемиот предизвик за познатиот тренер. Прашањето е може ли да го повтори успехот од минатата сезона? Суперкупот веќе го загуби, но тоа можеби беше само загревање?
Фудбалерот на годината 2013.
Уште едно признание за Бастијан Швајнштајгер кој израсна во вистински лидер, а со освојувањето на Лигата на шампионите го оствари и својот најголем сон. По операцијата на ногата за време на летната пауза сега ќе мора повторно да се избори за стартното место во средниот ред на Бајерн, каде конкуренцијата е огромна.
Големата желба на Пеп
Тиаго Алкантара ќе биде големо засилување за средниот ред на Бајерн Минхен. Тој беше голема желба на тренерот Пеп Гвардиола. Откако минатата сезона не доби поголема шанса во матичната Барселона, Тиаго одлучи да ја смени средината. Тоа задоволство го чинеше Бајерн 25 милиони евра.
Голгетерот во златен кафез
Четирите голови во мрежата на Реал Мадрид во полуфиналето на Лигата на шампионите драматично го зголемија интересот за напаѓачот на Борусија, Роберт Левандовски. И тој сакаше да си замине, по можност во Бајерн. Но, Борусија одбива да го пушти својот главен напаѓач кај ривалот. Засега Левандовски останува затворен во „златниот кафез“.
Човекот кој го разочара Дортмунд
Трансферот на Марио Геце во Бајерн тешко им падна на навивачите на Борусија Дортмунд. Според најавите, Геце треба да игра централна улога во новиот систем на тренерот Гвардиола. Дали тоа и ќе му успее, со оглед на големата конкуренција во тимот, останува да се види. Во секој случај, Геце е во моментов повреден.
Плејмејкерот на Борусија Дортмунд
Поранешниот фудбалер на годината Марко Ројс ќе мора да го контролира средниот ред на Борусија без извонредниот партнер Марио Геце. И не само тоа, Ројс ќе мора да го понесе и товарот за постигнување голови. Доколку се суди според дуелот од Суперкупот против Бајерн, Ројс е подготвен за големиот предизвик.
Најскапиот трансфер на Борусија
Ново име во Бундеслигата: Ерменецот Хенрих Михитарјан е најскапото засилување во историјата на Борусија- 27,5 милиони евра беа платени за неговиот трансфер од Шахтјор. Тренерот Јирген Клоп полага големи надежи во експлозивниот играч за врска, кој покрај тоа што зборува шест јазици и студира.
Малечкиот „голем“ човек
Неспектакуларен со топката, речиси невидлив на теренот, но извонредно ефективен. Филип Лам е капитен на Бајерн и на германската репрезентација, а минатата сезона ја имаше чест прв да ги подигне трите освоени трофеи. Гвардиола сега му подготвува нова улога- во средниот ред.
Францускиот виртуоз
Без оглед на промените во Бајерн за Франк Рибери е резервирана левата страна. Неговите продори по крилните позиции се веќе легендарни, тој е кошмар за секој бек во лигата! Само ќе треба малку да го олади својот „жежок“ темперамент и потоа за него ќе нема веќе пречки.
Непризнаениот голгетер
Штефан Кислинг беше крал на стрелците во изминатата сезона, но ни тоа не беше доволно за да добие повик во репрезентацијата. Но во Бајер Леверкузен ја знаат добро неговата вредност, па веќе му го продолжија договорот до 2017 година. Штефан Кислинг израсна во симбол на Бајер, вели претседателот на клубот Волфганг Холцхојзер.
Ловецот на голови
Со големи амбиции во новата сезона стартува голгетерот на Шалке, Клас Јан Хунтелар. Главна цел е Лигата на шампионите, а домашниот терен треба да биде неосвоива тврдина. За разлика од минатите сезони, годинава Хунтелар доби и голема конкуренција во тимот со трансферот на Адам Шолои.
Бразилскиот магионичар
Плејмејкер, дриблер, мајстор за слободни удари- Диего е најголемата ѕвезда во тимот на Волфсбург. Надежите се дека ќе најде заеднички јазик со тренерот Дитер Хекинг, откако претходната епизода со Феликс Магат заврши многу неславно. Тој треба да го предводи Волфсбург до пласман во европските натпреварувања.
Јужнокорејскиот дијамант
Бајер Леверкузен одвои 10 милиони евра за да го доведе Хјунг Мин Сон во своите редови. Напаѓачот треба да биде замине за Андре Шурле кој замина во Челзи. Од него се очекуваат голови со кои ќе се обезбеди пласман во Лигата на шампионите.
Гламурозната ѕвезда во Хамбург
Рафаел фан дер Фарт ги полни насловните страници на печатот и кога не игра фудбал. Во секој случај, на теренот талентираниот Холанѓанец секогаш има што да покаже, иако на неговиот Хамбург последните години не му оди баш најдобро.