„Што да направи македонската економија за приближување кон ЕУ?“

Зошто германските банки ги нема во Македонија? Кога македонскиот текстил ќе оди на европскиот пазар како Made in Macedonia? Зошто е бавна процедурата за издавање на деловни визи за патување во Германија? Ова се само дел од прашањата за македонсктата вице – премиерка Радмила Шеќеринска и новиот гермнаски амбасадор во Скопје Ралф Бред. Ги поставија бизнисмените членови на македонско – германската стопанска комора.

Кои конкретни мерки треба да се преземат?

Централно прашање за сите учесници на деловната вечера беше: Кои конкретни чекори треба да ги преземе македонската економија за приближување кон Европската унија. Гермаснкиот амбасадор Бред рече:

„Економијата не е се‘, но без економијата се‘ е ништо. Таа ги создава реалните вредности. Македонија во тој дел има големи проблеми. За да ги реши треба да ги следи примерите на азиските но и новите источно – европски економски тигри. Треба многу време да ја подобри инфраструктурата и да оспособи стручни кадри, но има и мерки кои даваат брзи резултати. Да се направи флексибилен пазарот на трудот, да се создадат поволни даноци и царини.“ рече германскиот амбасадор во Македонија Бред, обраќајќи им се на бизнисмените.

Македонија направи многу

Но сеуште недоволно за здарава економија што ќе и конкурира на Европа е тезата со која настапи вице – премиерката Шеќеринска пред стотината стопанственици:

„Амбасадорот веќе спомена дека можеме да кажеме дека сме постигнале многу на неколку фронта во овој дел: макро економска стабилност, низок буџетски дефицит, целосна или значителна либерализација на трговијата согласно обврските и од Светската трговска организација и согласно одредбите за спогодбата за Стабилизација и асоцијација. Меѓутоа апсолутно недоволни за да ја променат состојбата во делот на развојот, во делот на растот, во делот на микро економијата. Очигледно е дека е непходно да се зголеми стапката на раст, очигледно е дека за да тоа се случи ни се потребни домашните и странските инвеститори, бидејќи честопати знаеме да ги запоставиме домашните. Неопходно е да се охрабри претприемништвото и неопходно е да се поддржат малите и средни претпријатија на начин кој што нема да ја наруши конкеренцијата и пазарот. “

Одговорите на конкретните прашања, беа помалку или повеќе дипломатски. Германските банки не доаѓаат во Македонија оти како и сите фирми и тие преземаат деловни потези во земји од економсикиот интерес – одоговоори германскиот дипломат Бред. Не се согласи дека процедурата за издавање на деловни визи е бавна туку дека е во функција на јакнење на трговските односи меѓу Македонија и Германија.