Црвенковски ја продолжува посетата на Брисел
4 октомври 2007Македонскиот претседател, Бранко Црвенковски, денеска ја продолжува посетата на Брисел. Вчера тој имаше одвоени средби со Високиот комесар за надворешна и безбедносна политика на ЕУ, Хавиер Солана и еврокомесарот за проширување, Оли Рен. На двете средби од Македонија беа побарани конкретни резултати во реформите во судството, полицијата, администрацијата и борбата против корупцијата. Солана и Рен остро ги осудија неодамнешните инциденти во маекдонскиот парламент и апелираа што побргу да се утврди кои се одговорни за тие настани. Македонскиот претседател на средбите во Брисел изрази уверување дека Македонија има институционален капацитет и силна политичка волја да го забрза темпото на реформи. Црвенковски е во тридневна официјална посета на Брисел, во рамки на која ќе има средба и со генералниот секретар на НАТО, Јап Де Хоп Шефер.