Фуере го предаде знамето на ЕУ
6 мај 2007Реклама
Специјалниот претставник на Европската унија и шеф на делегацијата на Европската комисија во Македонија, Ерван Фуере денеска по повод 6 мај Денот на европското знаме во Република Македонија го предаде знамето на ЕУ на претставници на Европското движење во Македонија. Фуере притоа изјави дека значењето на овој настан е да се демонстрира европскиот дух. Фуере оцени и дека процесот на приближување на Македонија кон ЕУ оваа година има значителен напредок, особено во олеснувањето на визниот режим.