Фратини за воведување „сина карта“

Европската комисија сака да го олесни доселувањето на висококвалификувана работна сила во Европа од трети земји.Еврокомесарот за правда Франко Фратини во Брисел изјави дека воведувањето т.н. сина карта треба да помогне да се затворат празнините во европскиот пазар на труд и да се стави под контрола илегалното доселување.Сина карта би требало да добијат лицата што ќе добијат ветување за добро платено работно место во некоја држава од ЕУ.На предлог законот се противат Германија и Австрија.Ополномоштеникот на германската влада за миграциони прашања,Марија Бемер,го одбива бриселскиот концепт зашто условите во одделни држави од ЕУ се премногу различни за да може да бидат воведени единствени правила.