Француски министер под сомневање за даночна измама
8 јануари 2013Реклама
Францускиот портал Медијапарт на почетокот на декември го обвини министерот дека со години има тајна сметка кај швајцарската банка УБС.
Жером Каузак (фото горе) тоа го демантираше. На својот интернет блог во втората половина од декември францускиот министер за буџет напиша: „Никогаш не сум отворил или имал сметка во УБС, во Швајцарија или каде било на друго место во странство.“ Каузак уште најави дека неговите адвокати ќе се обидат да добијат потврда за ваквото негово тврдење од страна на УБС.
Портпарол на банката УБС во декември, на барање на агенцијата АФП за ваква потврда, одговори дека потврда би можела да биде издадена, но на натамошните барања на агенцијата потоа не беше даден одговор.