131011 Buchmesse Spannung
13 октомври 2011
Многу стручни посетители доаѓаат од далеку за да се информираат за трендовите на пазарот на книга. Само во Германија годишно се објавуваат 90 илјади нови изданија. Непроменет е трендот кон криминалистичките романи.
„Луѓето едноставно се гладни по тоа. Тие сакаат да читаат крими романи, во кои-обвиткано во криминалистичко дејство-се отсликува секојдневието“.
Еден од оние чии книги станаа бестселери е Данецот Јуси Адлер Олсен. Неговите крими романи за инспекторот Карл Морк се меѓу најпродаваните романи не само во Германија.
„Крими романите се читаат со голема напнатост, човек сака да знае што се случува на наредната страница. За авторот се разбира претставува големо задоволство кога знае дека читателот сака да чита и натаму и натаму“.
Книгата, напишана и испечатена, е популарна како никогаш досега. Писателот Владимир Каминер не полага на напнатоста, туку на хуморот:
„Сериозна тема неминовно го доведува човека до трагедија, а сметам дека една трагедија може да се надмине само со хумор. Во спротивно сите ќе плачат, а тоа е ќорсокак“.
Читателите, во секој случај, не се загрозен вид во изумирање, тоа многу јасно го покажува Франкфуртскиот саем на книгата.
Прилогот можете да го погледнете како Видео на денот!
Автор: Мануела Каспар Клериџ/ Симе Недевски
Редактор: Елизабета Милошевска Фиданоска