Тинејџер планирал напад во Чикаго

Според известувањето на „Чикаго трибјун“, кој се повикува на извори од државното обвинителство, 18-годишниот Адел Дауд се обидел да активира автомобил бомба пред локал во центарот на градот. Експлозивот скриен во автомобил претходно му бил предаден од страна на агенти на ФБИ и бил целосно неопасен. Младиот муслиман кој сакал да стапи во Света војна, сега треба да одговара за обид за употреба на средства за масовно убивање и обид за уништување на зградата со експлозив.

Истрагата уште од пролетоска го имала на око тинејџерот, откако тој преку интернет собирал материјал за Џихад и убивање Американци и ги испраќал натаму. Агенти на ФБИ се претставиле како терористи и стапиле во контакт со него. Притоа младиот муслиман искажал подготвеност да изврши напад со што е можно повеќе цели. Откако 18-годишното момче во петокот вечерта се обидело да ја активира наводната бомба пред барот, било приведено од полицијата.