Тајфунот ги опустоши Филипини и се движи кон Виетнам
9 ноември 2013Најмалку сто лица загинаа при ударот на силниот тајфун „Хаијан“ на Филипините, кој речиси целосно го уништи гардот Таклобан на централниот филипински остров Лејте. Властите на Таклобан, град со 220.000 жители, соопштија дека најголемиот дел од населнието било евакуирано навреме, поради што и нема поголем број човечки жртви.
Филипинската Национална служба за вонредни состојби во текот на вчерашниот ден од деловите на Филипини низ кои мина жариштето на тајфуниот евакуира над еден милиони лица, а уште 14 милиони жители на 37 провинции беа предупредени на можна евакуација.
„Хаијан“, кој е проследен и со поројни дождови, покрај големиот број разурнати куќи и откорнати дрвја и електрични столбови, предизвика и поплави и лизгање на земјиштето.
Според новинската агенција ДПА, во погодените подрачја во тек е акција на филипинската армија за пронаоѓање на телата на загинатите лица. Претставник на филипинската влада изјави дека засега не може да го соопшти точниот биланс на жртвите, додавајќи дека податоците за загинати што пристигнуваат од локалните власти се „вознемирувачки“.
Ветерот во центарот на „Хаијан“, кој е еден од најсилните тајфуни што кога и да било ги погодил Филипините, достигнуваше брзина и до 315 километри на час. Тајфунот денеска се движи кон Виетнам и Лаос. Филипините годишно ги погодуваат околу 20 бури, а многу од нив предизвикуваат бројни жртви и големи штети. „Хаијан“ е 24 бура што ја погоди земјата од почетокот на годинава.