Стилијанидис за спорот околу името
22 септември 2006„Грција е најголем инвеститор во ФИРОМ. Вложено е толку многу капитал, што на тој начин се создадени 9.000 нови работни места. Јас бев неодамна во Скопје и сретнав многумина добри колеги. Тие ми рекоа дека невработеноста во северниот дел на земјата се движи околу 38%, додека на југот каде што има повеќе инвестиции, меѓу другото и од грчки претпријатија, таму стапката на невработеност изнесува само 8%. Тоа ја покажува нашата добра волја да соработуваме со оваа земја. Ние како влада истакнавме дека ги поддржуваме нејзните евро-атлантски перспективи. Паралелно со тоа нагласуваме дека во времето додека се случуваат сите тие позитивни настојувања, има смисла да биде најдено и решение за проблемот околу името.
Решението би требало да биде прифатливо за ФИРОМ, но исто така да ја почитува историјата и културата. Тоа би требало да претставува комбинација што ќе ги разликува од една страна географските детерминанти, а од друга страна историските и културните. Практично гледано тоа значи дека ако почнеме да дискутираме врз основа на првиот предлог на Метју Нимиц, можеби би можеле да најдеме заеднички прифатливо решение. Но, најважно е да создадеме заеднички пазар, да ја засилиме соработката и меѓусебните односи, да ги почитуваме европските вредности, како и взаемно да си ги почитуваме културата и историјата и преку терминот што ќе се користи.„