1. Прескокни до содржината
  2. Прескокни до главната навигација
  3. Кон други страници на DW

СПД официјално го номинира Штајнбрик за кандидат за канцелар

СН/дв1 октомври 2012

Една година пред наредните парламентарни избори во Германија, најголемата опозициска партија денеска (01.10) и официјално ќе го номинира нејзиниот кандидат за канцелар.

https://p.dw.com/p/16Hud
Фотографија: Sascha Schuermann/dapd

На предлог на претседателот на партијата Зигмар Габриел, социјалдемократите во изборната трка против канцеларката Ангела Меркел од Христијанско-демократската унија ќе ги предводи поранешниот министер за финансии Пер Штајнбрик. Важи за сигурно дека претседателството на СПД едногласно ќе го номинира 65-годишниот Штајнбрик за кандидат за канцелар. Неговата номинација треба да биде потврдена на вонредниот изборен конгрес на социјалдемократите кој треба да се одржи на 9 декември во Хановер.

Претходно партискиот лидер Габриел и шефот на парламентарната група на СПД во Бундестагот, Франк-Валтер Штајнмајер се откажаа од кандидатурата и го ослободија патот за номинација на Штајнбрик.