Сноуден се пријавил во руската миграциска служба

Поранешниот службеник на американските тајни служби Едвард Сноуден се пријавил во руската миграциска служба со местото на престој, изјави неговиот адвокат Анатолиј Кучерена денеска во Москва.

„Тој се регистрираше со местото на престој“, им изјави Кучерена на новинарите не откривајжи повеќе детали. Адвокатот на Сноуден уште изјави дека вчера (05.08.) испратил официјална покана за таткото на Едвард Сноуден да ја дојде во Русија и да го посети синот.

„Се надевам дека ќе добие виза“, рече Кучерена.

Руските медиуми наведуваат дека американските разузнувачки служби претходно го наговарале Лон Сноуден да одлета во Москва и да се обиде да го убеди својот син да се врати во САД. Сноуден постариот во неколку наврати изјавуваше дека не верува во објективноста на американското правосудство и му советуваше на својот син, никогаш да не се враќа во САД.

Сноуден на 1. август доби привремен политички азил во Русија, со важност од една година.