Сенатот го отфрли нацрт законот за повлекување од Ирак

Американскиот Сенат го отфрли нацрт законот за повлекување од Ирак. Републиканците го блокираа предлогот поднесен од демократите за одобрување на 50 милијарди долари дополнителни средства за воената операција во Ирак бидејќи во него е содржан и план за повлекување на американските војници од блискоисточните земји до 15 декември следната година. За нацрт законот кој беше усвоен во Претставничкиот дом на Конгресот гласаа 53 сенатори, а против се изјаснија 45. За усвојување беа потребни 60 гласа.