Светската економија оди кон тешки времиња

Саудиска Арабија, најголем светски производител на нафта, веќе од овој месец, како што претходно најави, ќе го зголеми производството на нафта за 200 илјади барели, на вкупно 9 милиони 700 илјади дневно. „Рековме дека нашиот капацитет наредната година ќе биде 12 ипол милиони дневно. Како можат некои да велат дека има закани во однос на идното снабдување? Мислам дека е тоа желба во главите на некои луѓе“ - изјави саудискиот министер за нафта Али ал Наими.

Уште колку долго ќе може стопанството да го издржи брзиот раст на цената на нафтата? Норберт Валтер, главен економист на Дојче банк вели: „Мислам дека светското стопанство веќе сега страда. Забележувам дека веќе имаме тенденции на слабеење не само кај расположението на потрошувачите, туку тешко се погодени и производителите на автомобили, кои не се многу енергетски економични. А има и политички траги кои навестуваат дека одиме кон многу тешки времиња“.