САД стојат зад протестите во Сирија?

Сириските сили за безбедност упаднаа денеска во северното предградие на Дамаск, Хараст, при што биле повредени повеќе луѓе, јавуваат локални жители. Упадот се случил во пресрет на најавените масовни протести против режимот на претседателот Башар ал-Асад. Претходно американскиот амбасадор во Сирија Роберт Форд вчера без да добие одобрување од официјален Дамаск го посети градот Хама, каде што се одржуваат најжестоки демонстрации. По посетата сириската влада ги обвини САД дека ги поддржуваат демонстрантите. Од Вашингтон соопштија дека амбасадорот Форд отпатувал во Хама за да им изрази солидарност на жителите.

Автор: АТ/дв

Редактор: Горан Чутаноски