1. Прескокни до содржината
  2. Прескокни до главната навигација
  3. Кон други страници на DW

„Разбуди се“: Повик за бојкот на претседателските избори

СН/емф/макфакс9 февруари 2014

Невладината организација „Разбуди се“ ги повикува сите гласачи Албанци во Македонија да не учествуваат на претседателските избори во земјата кои ќе се одржат на 13. и 27. април годинава.

https://p.dw.com/p/1B5o1
Фотографија: Petr Stojanovski

Граѓанското движење „Разбуди се“ најави дека ќе започне кампања на средби со албанските граѓани, но и со другите заедници, за да ги информира гласачите од албанскиот блок околу потребата да не го земаат гласачкото ливче за Претседател, посебно не во вториот круг и на тој начин да ги бојкотираат претседателските избори во Македонија на 13 и 27 април годинава.

Од „Разбуди се“ ги повикаа и другите организации од албанското цивилно општество, Исламската верска заедница, како и албанските медиуми, на заедничка работа кон оневозможувањето на избор на претседател на Македонија којшто е неприфатлив за Албанците.

Според нив, ниту еден претседател на државата не може да биде легитимен претставник без албанските гласови и сметаат дека во иднина, претседател треба да се избере во Собрание на Република Македонија со двотретинско мнозинство.