Работните места сигурни, глобализацијата шанса

„Германија во моментов не е земја на песимисти и ноторни критичари. Дури 65 проценти од анкетиераните веруваат дека позитивниот стопански тренд ќе продолжи и наредната година. Минатата година овој процент изнесуваше 46 отсто. Сепак, во источните покраини ситуцијата не е оценета толку позитивно: во Тирингија оптимисти беа 52 проценти, во Долна Саксонија 55, во Берлин Бранденбург 60 проценти” - истакна претседателката на Здружението на младите стопанственици Кирстен Хиршман за резултатите од анкетата за стопанските трендови кое е подобро и од 2000 тата кога во земјата беше регистриран вистински коњуктурен бум.

Но, и покрај зголемениот оптимизам, граѓаните се скептични кога е во прашање личната благосостојба. Намален е бројот на оние кои сметаат дека ќе заработат и ќе имаат повеќе пари во семејниот буџет. Ова се должи пред се на реалниот пораст на трошоците за енергенсите, но и на зголемените давачки за здравственото и социјалното осигурување.

Со зголемената доверба во коњуктурата рекорд постигна и довербата во сигурноста на работното место. Дури 79 проценти од испитаниците своето работно место го оценуваат како сигурно, што е воопшто највисок регистриран процент. Минатата година довербата во работните места беше дури 11 проценти пониска.

Испитувањето покажа дека и кога се во прашање работните места, флексибилноста е намалена и само половината од Германците се подготвени да направат отстапки - да работат подолго! Но, учесниците во анкетата не сметаат дека оптимизмот и позитивните трендови се заслуга на големата коалиција.

„На половина од легислативниот период, работата на Владата е оценета како задоволителна или нумерички 3,3. Минатата година оценката беше 3,4. Значи нема суштински промени. Инаку, само 18 проценти работата на владата ја оквалификуваа како добра или многу добра" - кажува Хиршман која коментира дека е направен вистински "еленски скок" во вреднувањето на глобализацијата: „Место закана, на глобализацијата сега се гледа како на шанса.Лани 57 проценти од анкетираните сметаа дека Германија со глобализацијата е губитник. Сега овој процент е 39. И обратно: место 13, сега 39 проценти од учесниците во анкетата се на мислење дека Германија со глобализацијата добива”- подвлече Кирстен Хиршман претседател на Здружението на млади стопанственици.