Протест против смртната казна за христијанскиот свештеник од Иран
30 септември 2011
Пасторот Надархани ја примил христијанската вера кога имал 19 години, а сега е на возраст од околу 35 години и проповеда во малата евангелистичка заедница, наречена Црквата на Иран. Надархани беше уапсен во 2009 година и осуден на смрт. Пресудата можеше да му биде заменета доколку тој ја признаеше својата грешка и се откажеше од христијанството. Надархани одби да се повлече од христијанската вера.
Против оваа смртна кaзна досега протестираа првиот дипломат на ЕУ Кетрин Ештон, Стејт департментот на САД и полското претседателство на ЕУ. Германија на иранскиот вршител на должноста во амбасадата во Берлин му врачи протестна нота против смртната казна за пасторот.
Адвокатот на Надархани изрази надеж дека Апелацискиот суд ќе ја укине смртната казна. „Се очекува во текот на викендот судот да се изјасни за ова прашање“, изјави адвокатот. Според него, пасторот има 95 процентни шанси да биде ослободен.
Автор: ЖА/ АТ/ миа
Редактор: Александра Трајковска