Продолжува судењето на Бошковски

На државниот советник на МВР, Софија Галева Петровска, вчера не и беше тешко да се претстави како самоуверен професионалец кој со редица конкретни имиња, датуми, документи го поткрепи своето уверливо сведочење пред Трибуналот во Хаг, како прв сведок, во штотуку започнатата одбрана на поранешниот министер за надворешни работи Љубе Бошковски. Обвинението денеска пак ја испрашува Галева и се трудеше да докаже дека некогашниот државен советник во кабинетот на министерот за внатрешни работи, не водел ни бележки, или ако ги водел не му биле познати на Трибуналот, па заклучок е дека таа зборува на памет, за изјави на луѓе клучни за истрагата, а не врз основа на документи грижливо прибрани, белешки, записи. Обвинителтот дури отиде до таму да имплицира дека Галева, несовесно или површно си ја вршела работата оти не прилега правник на таква висока функција во МВР да нема сопствени белешки, што би требало сега да се во Трибуналот. Судењето ќе продолжи во понеделник (04.02.08)