Пресврт во случајот Строс Кан
1 јули 2011
Обвинителите, кои го водат процесот против поранешниот шеф на ММФ се согласиле да го ослободат од домашниот притвор без кауција. Тие имено имаат растечки сомневања околу кредибилитетот на нивниот главен сведок, собарката која го обвини 62 годишниот Строс - Кан дека сексуално ја злоставувал во неговиот хотелски апартман на Менхетен во мај годинава, известија претходно весниците „Њујорк тајмс“ и „Вашингтон Пост“.
Иако форензичките тестови нашле недвосмислен доказ за сексуален контакт меѓу францускиот политичар и тужителката, обвинителите сега не веруваат во повеќе од наводите на наводната жртва, што таа ги дала во текот на истрагата, како за околностите, така и за себеси. Тужителката во неколку наврати дала лажни податоци, изјави за „Њујорк Тајмс“ еден добар познавач на случајот. Освен тоа на нејзиното конто во меѓувреме пристигале во повеќе наврати големи суми пари. Строс Кан постојано ги отфрлаше обвинувањата против него, но сепак мораше да се повлече од раководното место во ММФ. Тој исто така важеше и за најсериозен против кандидат на францускиот претседател Никола Саркози на претседателските избори во Франција, што треба да се одржат наредната година.
Автор: СН/ГЧ/ртр/миа/дв
Редактор: Горан Чутановски