„Преоден буџет„
23 февруари 2006Германскиот парламент вчера го усвои првиот буџет на гоелмата коалиција. Едно е јасно: осека во државната каса. Тоа е поврзано и со кунјунктурната слабост, меѓутоа проблемите се повеќе од структурен вид. Тоа значи: трошоците се високи. Половината од нив се за социјалата. 30 насто истекуваат во законското обезбедување на пензиите. Кон тоа и давачките што резултиараат од високата невработеност, како и енормните камати за исплаќање на планината долгови што со години расте. И во оваа година Германија ќе го прекрши критеримуот за дефицит во буџетот што произлегува од пактот за стабилност на еврото. И во оваа година ќе биде прекршен уставот, зашто долговите ќе бидат поголеми од инвестициите. За министерот за финансии Пер Штајнбрик буџетот 2006 е преоден буџет. Всушност, овој министер е на функција само 100 дена и не можеше да направи пресврт. Тој се очекува во наредната 2007 година. Тогаш ќе биде зголемен и данокот на додадена вредност, од сегашните 16 на 19 проценти. Во државната каса ќе се влеат повеќе пари – од џебот на граѓаните. Наликува дека ќе биде добро, ако владата се осмели на уште еден значаен потег: да ги намали субвенциите.
Карл Завадски