Прва победа сезонава за шампионот Фетел
22 април 2012Пилотот на тимот на Ред Бул и двократен првак во шампионатот на Формула 1, конечно победи во четвртата трка во новата сезона на ова натпреварување. Фетел во целта влезе пред изненадувачки силните болиди на Лотус, возени од пилотите Кими Рајконен и Роман Гросжан. Поранешниот светски првак Рајконен ја заврши трката во Бахреин на второто, а Гросжан на третото место .
Со првата победа сезонава, Фетел, кој во Бахреин стартуваше од пол-позицијата, го презеде и водството во генералниот пласман во шампионатото во Ф1 од досегашниот лидер Луис Хамилтон од тимот на Мекларен Мерцедес. Германецот сега има вкупно 53 бодови, а Хамилтон, кој заврши осми во Бахреин, има 49.
Победата во Бахреин е вкупно 22 . врвно место на подиумот во кариерата на Фетел.