Почна европската турнеја на Буш

,, Добро е повторно да се биде назад во срцето на Европа” рече американскиот шеф на државата по првата официјална средба во Брисел со еден од најголемите критичари на ирачката војна, белгискиот премиер Гај Ферхофштад.

Со ракувањето Буш – Ферхофштад на претпладневната средба, а претходно и со раѕговорите во со белгиските крал и кралица, всушност стартуваше петдневната европска турнеја на американскиот претседател, кој во Европа допатува со една главна цел – да ги зацврсти трансатланските врски, кои се разнишаа по воената интервенција во Ирак.

Всушност, пеглањето на американско европските релации е и главната поента на говорот на Буш пред нато и Европските авторитети : Тој во него повикува на нова ера на односи меѓу двата континента, откако самоволно без поддршка на атланскиот воен сојуѕ, во 2003-та му се спротивстави на режимот на Садам Хусеин. Најголемите противници на воената интервенција, германскиот канцелар Герхард Шредер и Францускиот претседател Жак Ширак, се на неговата петдневна агенда.

,, Европа е битна за иднината на САД, А Германија е важна за Европа. Инаку, јас сум отворен за предлоѕи,, иѕјави Буш во интервју за германската АРД телевизија.

Покрај Ирак, Сирија, Либан, еммаргото кон Кина, Кјото протоколот како и нуклеарната програма на Иран ќе бидат централни теми на раѕговорите со европските лидери. Доцна попладне Буш треба да се сретне и со генералниот секретар на НАТо Јаап де Хоп Шефер. Како што најави, од сите соговорници ќе бара поддршка за неговата политика.

,, На Герхард и на сите други европски лидери ќе им упатам пофалби ако на Иран му упатат јасна порака. “ рече американскиот претседател, кој доцна вечер ќе се сретне со францускиот колега Жак Ширак. Германија е на неговата агенда в среда, кога во Мајнц ќе раѕговара со канцеларот Шредер. Потоа заминува за Словачка, каде што ќе се сретне со рускиот претседател Владимир Путин.

Посетата на Буш на Европа се одвива под силни беѕбедносни мерки, со оглед на тоа што стотици демонстранти, пацифисти, заштитници на животната средина и припадници на други невладини организации иѕлегоа на улиците противејќи се на неговото доаѓаање. Само во Брисел, на околу 4000 службеници од Европската Унија, поради беѕбедносни причини им е наложено да останат дома.