Потврден нападот врз германски конвој во Кабул

Во самоубиствен напад што се случи денеска на аеродромот во Кабул врз два германски воени камиони, загина најмалку еден авганистански војник, а повеќемина се повредени. Според германската армија, повредени се и еден германски војник и четворица белгиски. Очевидци тврдат дека атентаторот влетал со неговото возило полно со експлозив директно во двата германски камиони додека тие го напуштале аеродромот. Возачите успеале да забрзаат и го избегнале возилото со експлозив, кое потоа удрило во група авганистански војници.