Поправка на жичница на огромна висина

Тоа е работа меѓу небото и земјата. Затоа пристигнаа експерти од Јужен Тирол. Тие со сајла се заврзаа за гондолата за да ги осигураат таканаречените „мостови со сајли“ на планинската падина. Затоа Кристијан Нидеркофер најпрво се спушта надолу кон ридот.

„Проценувам дека има околу 30 метри на кои треба да се постават сајли. Долу правиме рамна површина, започнуваме со тркалање и ги закачуваме. Така осигуруваме дека се’ е стабилно, кога сајлата ќе дојде одозгора“, објаснува Кристијан Ниедеркофер, монтер на сајли за жичница.

Потоа гондолата ги носи луѓето и материјалот нагоре кон место за поддршка на жичницата. Техничарите го проверуваат местото на коешто подоцна ќе ја заменат изабената сајла.

Тоа беше се’ за денеска. Дел од алатите се оставаат на местото на кое се работи, бидејќи таму горе ништо не може да биде украдено. За многумина таквото работно место е чист адреналин, а за експертите е рутина.

„Го работам ова со задоволство“, вели Кристијан Нидеркофер.

200.000 евра чини одржувањето на жичарницата. Таа на 25 декември повторно ќе биде ставена во погон. Тогаш гондолите ќе ги донесат првите гости, кои сакаат да го минат Божиќ на врвовите на Алпите.