Побарани шест години затвор за Навални
5 јули 2013„Шест години затвор и казна од милион рубљи (23.000 евра)“, напиша Алексеј Навални на својот профил на Твитер за време на излагањето на обвинителот во судот во Киров, на 900 километри источно од Москва.
Триесет и седумгодишниот Навални ги отфрла наводите од обвинението, според кое проневерил 16 милиони рубљи (околу 400.000 евра) во една државна дрвопреработувачка фирма додека работел како советник на гувернерот во 2009 година.
Навални се бореше против корупцијата и ги инспирираше масовните протести против Кремљ во декември 2011 година. Тој неодамна изјави дека би сакал да се кандидира за претседател на земјата, а сега учествува во кампањата за градоначалник на Москва, кој ќе се избира во септември.
Според Навални, обвиненијата се одмазда за неговото откривање на корупцијата на високо ниво и намера на властите е тој да биде тргнат од политичката сцена.