Патнички авион се урна во Либан
25 јануари 2010Од морските води се веќе извлечени седуммина преживеани патници, јавуваат локалните медиуми, но детали се` уште нема. Портпарол на либанската армија соопшти дека се извлечени и четири тела на загинати. Во Авионот на „Етиопијан Ерлајнс“ се наоѓале 83 патници и седуммина членови на екипажот, а тој бил на пат од Бејрут кон Адис Абеба. Според либанскиот министер за транспортво авионот имало 54 Либанци и 22 Етиопјани. Но, имало и патници од Ирак, Сирија, Велика Британија и Франција. Француската амбасада во Бејрут потврди дека во авионот била и сопругата на амбасадорот, Дениз Пјетон. Портпарол на аеродромот во Бејрут изјави дека авионот бил погоден од гром. Полицијата исклучува можност за терористички напад. Очевидци велат дека прво имало гласен звук, а потоа виделе како запалениот авион се урива во морето. Во Либан веќе два дена владеат поројни врнежи од дожд и невреме, кои предизвикаа и поплави во одделни делови на земјата. Поради слични временски неприлики, пред еден месец потона еден товарен брод пред либанскиот брег.
Автор: ЕМФ/ТТ/дпа/афп/апн
Редактор: Жана Ацеска