Папата Франциско: Единство наместо еднообразност

Папата Франциско на плоштадот Свети Петер во Рим зборуваше пред околу 100.000 верници. Меѓу нив беа десетици илјади членови на духовни движења и групи лаици. Папата ги повика да се придржуваат на христијанската порака „до крајните граници на човечката егзистенција“. Заедниците треб ада бидат отворени за влијанието на Светиот дух, истакна Франциско. Ова предизвикува неред во црквата, но крајно носи хармонија и единство. Папата Франциско се залага за единство во црквата, што во никој случај не значи еднообразност.

На покана на папата на одбележувањето на верскиот празник Духовден во Рим учествуваа преставници на 150 духовни движења. Уште синоќа папата заедно со 200.000 луѓе го прослави големиот верски празник на плоштадот Свети Петар. Празникот Духовден, наречен уште и Педесетница е еден од најрадосните и најсветли празници во христијанството во кој се слави слегувањето на Светиот Дух врз апостолите на педесеттиот ден од Христовото Воскресение. Овој настан претставува исполнување на старозаветните месијански пророштва.