Отворен саемот на книгата

Преку 7 илјади издавачки куќи од 101 држава до недела ги излагаат новите изданија. Земја-гостин годинава е Кореја, при што Северна Кореја се откажа од учеството. За Јирген Бос, новиот директор на франкфуртскиот саем на книгата, светски најголемата средба на издавачите, се потпира врз три столбови: економија, култура и политика. Издавачите кои од денеска на меѓународната публика ќе и ги призентираат новите изданија, во Франкфурт секако допатуваа пред се зашто сакаат да направат добри зделки, како на германскиот пазар на книгата, така и на меѓународен план. Затоа Бос истакнува:

„Браншата како и саемот растат. Меѓутоа, да се генерира растеж тука на саемот во Франкфурт за нас е тешко. Оттатму, размислауваме како да бидеме давачи на услуги и во Германија и на меѓунарден план. Едно од размилсувањата е во Кејптаун да отвориме нов саем на книгата заедно со издавачката асоцијација во наредната година во јуни„.

Кога станува знор за пазарот на книгата, Германија досега е земја увозник. Годишно овде се појавуваат околу 2 илјади преводи од англиски, додека обратно само 40 наслови од германски успеваат да се појават на големиот англо-американски пазар. Со новата награда „Германска награда за книга„ за најдобриот роман од германското говорно подрачје се сака да се подвлече домашната продукција и да се привлече вниманието на светската јавност. Од околу 150 белетиртсички наслови од последните 12 месеци, независното жири како прв „Роман на годината„ ја избра книгата „Нам ни е добро„ на Австријанецот Арно Гајгер. Претседателот на жирито Готфрид Хонефелдер образложува:

„На Арно Гајгер во романот му успеа да ги доведе во исклучителен баланс минатото и сегашното, општественото и приватното, зачуваното и заборавеното. Тој ја претставува сликата на три генерации сместени во овој семеен роман„.

В недела пак, ќе биде доделена и традиционалната награда за мир на германските издавачи. Годинашен добитник е турскиот писател Орхан Памук.