Отворен саемот на книгата во Лајпциг

Литературата од германското говорно подрачје е традиционално во фокусот на саемот на книгата во Лајпциг, притоа дополнета со аудио-книгите, кои сега на саемот ги презентираат околу 120 излагачи. Една четвртина од изложбениот простор им е посветен на младите читатели. Повеќе од 300 манифестации на саемот и еден центар за стрипови, треба да и отворат на младата генерација желба за читање. Во Лајпциг поттикот за читање книги е испишан со големи букви и се смета дека секој петти посетител на саемот е помлад од 20 години. На програмата на саемот вкупно има околу 1 500 манифестации. Фестивалт на литераурата што го придружува саемот “Лајпциг чита“ самсовесно се нарекува најголем фестивал на литературата во Европа. Тоа го свртува погледот не само врз домашните новитети, туку и врз литературите на централна и источна Евроа. Веќе на почетокот на саемот, наградата на Лајпцишкиот саем за Европско разбирање, и се доделува на хрватската авторка, Славенка Дракулиќ. Нашата странска програма, нагласува директорот на саемот, Оливер Циле, е интересна како никогаш порано.

“Првпат со голема презентација и многу познати автори, но и млади автори се претставува Израел . Знаете дека Израел воспостави дипломатски односи со Германија пред 40 години. Денеска, во нашиот сојузен управен суд ќе има свеченост на која ќе присуствуваат министерот за надворешни работи, Фишер и израелскиот амбасадор, Шимон Штајн. “