1. Прескокни до содржината
  2. Прескокни до главната навигација
  3. Кон други страници на DW

Осуетен бомбаш-самоубиец во Вашингтон

18 февруари 2012

Марокански државјанин беше уапсен синоќа во близина на американскиот Конгрес додека се обидувал да активира лажен експлозив, во успешна операција на Федералното истражно биро- ФБИ.

https://p.dw.com/p/145IV
Фотографија: Reuters

Приведениот Амин Ел Халифи кај себе имал пиштол од кој не можело да се пука и инертен експлозив, кои ги набавил преку агенти на ФБИ, соопштија официјални американски претставници.

Ел Халифи носел на себе самоубиствен појас со намера да го активира откако ќе влезе во зградата на американскиот парламент. Тој верувал дека работи за Ал Каеда, но целиот заговор, целите и методите за нападот ги разработувал самиот.

Портпарол на американското министерство за одбрана изјави дека осомничениот Ел Халифи бил внимателно следен и дека експлозивот кој го поседувал не можел да експлодира, па оттука немало никаква опасност за граѓаните.

29-годишниот Ел Халифи бил следен околу една година, соопштија официјални лица кои инсистираа на анонимност, додавајќи дека тој престојувал со истечена виза во земјата.

Осомничениот на неколку пати ги менувал целите на нападот, но конечно се одлучил за напад врз Конгресот, откако повеќе пати ја обиколил областа околу зградата на Капитолот.

Официјалните лица не веруваат дека тој бил поврзан со терористичката организација Ал Каеда, која го изведе нападот врз Светскиот трговски центар во Њујорк во 2001 година.

Лица блиски до истрагата велат дека Ел Халифи пред да биде уапсен повеќе недели бил следен во чекор.

Автор: БГ/ап/дв

Редактор: Жана Ацеска