1. Прескокни до содржината
  2. Прескокни до главната навигација
  3. Кон други страници на DW

Оставка на египетската влада

ЖА/дв/дпа/афп24 февруари 2014

Египетскиот привремен премиер Хасем ел-Беблави ненадејно објави оставка на неговата влада. Дали зад овој чекор во Каиро стои првиот човек на армијата - Абдел Фатах ал-Сиси?

https://p.dw.com/p/1BEU2
Фотографија: REUTERS

Премиерот на преодната влада Хасем ал-Беблави оставката на својот кабинет ја предал кај претседателот на државата, Адли Мансур, објави во кусото обраќање преку телевизијата, без да невадува причини на повлекувањето.

„Кабинетот, во рамките на можностите, постигна добри резултати“, рече Беблави.

Verteidigungsminister Abdel Fattah al-Sisi
Абдел Фатах ал-СисиФотографија: picture-alliance/dpa

Тој посебно го истакна подобрувањето на безбедносната состојба во земјата. Египет се наоѓа на правилниот пат во правец на демократија, но пред граѓаните се исправени некои предизвици, рече Беблави.

Поранешниот министер за финансии по соборувањето на исламистичкиот претседател Мохамед Мурси од страна на војската во летото минатата година, беше назначен за премиер на привремената влада. Командантот на армијата Абдел Фатах ал-Сиси, кој важи за фаворит на претстојните претседателски избори во земјата, беше министер за одбрана во владата на ал-Сиси.

Со оставката Беблави го ослободи патот за кандидатурата на ал-Сиси, се истакнува во Каиро. Тој наводно не сакал сам да поднесе оставка. Претседателските избори веројатно ќе се одржат во април.