Опозијата со тесна победа на изборите за ЕП во Бугарија

На првите избори во Бугарија за европскиот парламент според прелиминарните резултати победи новоформираната опозициска партија на десниот центар ГЕРБ. Изборната комисија соопшти дека партијата предводена од градоначалникот на Софија, Бојко Борисов со освоени 21,7 насто, е во тесно водство пред владејачката Социјалистичка партија која има 21,4 насто од гласовите. Големо изненадување е Партијата на Турците коалиционен партнер во владата која со освоени 20 насто гласови е на третото место. Инаку изборите беа одбележани од слабиот одзив од само 30%. Бугарија од 1 јануари оваа година е полноправна членка на Европската Унија.