Обединетите нации – Кипар
22 август 2007Реклама
Разговорите за надминување на поделбата на Кипар ќе бидат обновени во почетокот на септември. За тоа е постигната согласност меѓу лидерите на кипарските Грци и Турци, Тасос Пападопулос и Мехмет Али Талат, соопштија портпаролите на двете страни. Претставникот на Обединетите нации за Кипар Михаел Мелер обајцата ги покани на разговори на 5 септември, се вели во седиштето на светската организација во Њујорк. Преговорите за повторно обединување на Кипар пропаднаа во февруари 2004 година, кога кипарските Грци на референдум го одбија предлогот на Обединетите нации.