1. Прескокни до содржината
  2. Прескокни до главната навигација
  3. Кон други страници на DW

Нови рации во германските фондации во Русија

АТ/ кна/ епд/ афп/ дпа26 март 2013

Германските фондации во Русија се погодени од редица претреси. Причина е новиот закон, кој странските институции ги става под сомнеж за шпионажа. Берлин изрази загриженост.

https://p.dw.com/p/184a9
Фотографија: picture-alliance/dpa

Фондацијата Конрад Аденауер, блиска до владејачките христијано-демократи во Берлин сопшти дека службеници на државното обвинителство на Русија повторно извршиле претрес во нивната канцеларија во Санкт Петерсбург. Тие конфискувале компјутери со образложение дека требало да се проверат софтверските лиценци. Претседателот на фондацијата Конрад Аденауер и поранешен претседател на Европскиот парламент Ханс Герт Петеринг истакна дека постапката „предизвикува загриженост и во никој случај не може да се прифати“. Тоа би можело да доведе до оптоварување на односите со Русија.

Петеринг изрази стравување дека интервенцијата на властите можела да има влијание и врз работата на голем број локални партнерски организации. Германските политички фондации и руски Невладини организации „пружаат важен придонес за развојот на слободата, деморактијата и правната држава“, нагласи Петеринг. Секое попречување на нивната работа му наштетува на демократскиот развој. Фондацијата Конрад Аденауер во Русија е активна од 1990 година и има канцеларии во Москва и Санкт Петерсбург.

Според медиумски информаици руските власи со денови преземале акции против Невладини организации. Вчера во Москва руските службеници исто така ги претресоа канцелариите на фондацијата Фридрих Еберт, блиска до германските социјалдемократи, и повеќе часови вршеа увид во документите. Организацијата за човекови права Амнести интернешнл исто така инфомрираше дека Државното обвинителство и даночните власти исто така се пријавиле во нивното претставништво во Москва. Јенс Зигерт, раководителот на московската канцеларија на фондацијата Хајнрих Бел, блиска до партијата на Зелените во Германија, информираше дека кај сите нивни руски партнерски организации биле спроведени рации. Зигерт го критикуваше ова како обид за заплашување.

Претресите се поврзани со спорниот нов закон, според кој невлавините организации финансирани од странство мораат да бидат регистрирани како странски агенти.

Hans-Gert Hermann Pöttering
Ханс Герт ПетерингФотографија: KAS

Руски дипломат повикан на разговор во МНР во Берлин

Германскиот министер за надворешни работи Гидо Вестервеле го повика рускиот дипломат Олег Красницки на разговор во Министерството за надворешни работи во Берлин. Нему му била изразена загриженоста на германската влада поради постапките против невладините организации и германските политички фондации, соопшти Министерството. Поканата на вториот по ранг дипломат на една земја, по амбасадорот, во Министерството за надворешни работи на Германија се смета за релативно јасна форма на протест. Уште поостра би била поканата до амбасадорот.

Министерството за надворешни работи рациите ги критикуваше уште вчера. „Попречување на активностите на германските фондации би можело долгорочно да ги оптовари билатерналните односи. Ова јасно и го ставивме до знаење на руската страна“, се вели во Берлин.