Нимиц ги продолжува разговорите во Скопје

Се очекува медијаторот на македонските преставници да им ги пренесе грчките ставови во однос на неговиот последен предлог од април годинава, кои му беа пренесени во Атина од шефот на грчката дипломатија, Евангелос Венизелос.

Посредникот вчера имаше средба и со македонскиот претседател Ѓорге Иванов, на која му беше потенцирано дека Македонија останува посветена во напорите за изнаоѓање на заеднички прифатливо решение, и дека земјата и натаму активно, конструктивно и со добра волја ќе учествува во овие преговори, за кои е подготвена и на средби на највисоко ниво со спротивната страна, и интензивирање на дијалогот.