1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Нема опасност од цунами на брегот на Аљаска

СН/ЕМФ/ртр/миа/афп5 јануари 2013

Предупредувањето од цунами за делови од американската сојузна држава Аљаска и за брегот на Канада, издадено утрината по силниот земјотрес што ја погоди Аљаска, веќе не е во сила.

https://p.dw.com/p/17Ecq
Фотографија: DW/I. Quaile

Земјотрес со интензитет од 7,7 степени според Рихтеровата скала ја погоди изутрината (05.01) областа на Тихиот Океан, покрај брегот на американската сојузна држава Аљаска, соопшти Геофизичкиот институт на САД.

Потресот е регистриран на длабочина од 10 километри, околу 100 километри југозападно од местото Порт Александер на Аљаска.

Центарот за предупредување од цунами на западното крајбрежје на САД и Аљаска најнапред објави дека постои опасност од големи цунами, а потоа го укина предупредувањето.

Центарот соопшти дека биле регистрирани мали промени на нивото на морето , но оти на крајбрежниот регион на американската сојузна држава Аљаска и на Канада веќе не им се заканува опасност од цунами.