Нема договор за долгот на САД

Демократите и републиканците во САД се` уште не постигнале компромис околу подигањето на максималната граница на државно задолжување и покрај тоа што датумот на кој суперсилата ќе стане технички платежно неспособна се` повеќе се наближува. Американскиот претседател Барак Обама и демократите се против планот на републиканците за краткорочен договор за зголемување на лимитот на државниот долг, изјави претставник на Белата куќа по синоќешната средба меѓу Обама и демократски конгресмени. Со тоа пропадна уште еден обид на спротивставените страни да постигнат решение пред денешното отворање на азиските берзи, кои вознемирено реагираат на буџетската криза во САД.

Автор: ТТ/дв

Редактор: Горан Чутаноски