На јаже преку Големиот Кањон
24 јуни 2013Славје во Аризона - 34-годишниот Ник Валенда на јаже стигна од едниот до другиот крај на клисурата на Големиот Кањон. Човекот што се занимава со екстремна акробатика изјави дека имало силен ветер. Сепак, потфатот на големиот верник, кој цело време повторувал молитви додека ја минувал патеката без безбедносна мрежа, беше успешен. Тој беше поврзан со татко му преку микрофон, а на телото носеше камери кои пренесоа слики од вртоглавата длабока бездна под него. По стигнувањето на целта Валенда падна и ја бакнуваше земјата.
Валенда, кој е седма генерација на акробатското семејство „Летечките Валенда“, со својот потфат сакаше да му оддаде почест на својот прадедо, кој во 1978 година почина како последица на пад од јаже, на 73-годишна возраст. Валенда, кој е татко на три деца на возраст од 9 до 15 години, зад себе веќе има седум Гинисови рекорди. Но, тоа не му е доволно. Неговиот план предвидува во иднина да го премине Босфорот или да биде катапултиран кон врвот на некој облакодер во светот.