На ред е Законот за Собранието
17 август 2009Законот за Собранието е еден од трите закони што ги бара Брисел за Македонија наесен да добие позитивен извештај од Европската комисија и препорака за почеток на преговорите со ЕУ за членство.
Засега е неизвесно дали законот може да биде усвоен со консензус, како што бара ЕУ, поради условувањето од партијата Нова Демократија - албанскиот јазик во Собранието да стане службен. Работната група на ВМРО-ДПМНЕ, ДУИ и НД не се усогласила околу амандманите на законот од Нова Демократија.
По одморот на пратениците ќе се знае и дали ДПА ќе ги оствари најавите за бојкот на Собранието.
Парламентот, минатиот месец, ги усвои измените и дополнувањата во Законот за финансирање на политичките партии, а меѓу законите за позитивен извештај од ЕУ треба да поминат и законските измени за државната администрација.
Еврокомесарот за проширување Оли Рен при посетата на Скопје, минатиот месец, рече дека има реална шанса Македонија наесен да добие позитивен извештај и препорака за почеток на преговори со ЕУ ако во наредните два месеца ги заврши задачите што ги постави Брисел.
Автор: ЖА/миа/макфакс
Редактор: Елизабета Милошевска Фиданоска