На Македонија и е потребно демократско прегласување
13 јуни 2008Прегласувањето во недела на 15 јуни е последната шанса на Македонија да ги покаже своите демократски капацитети и да организира фер избори.Присокот за тоа е зголемен како од меѓународната заедница така и од домашната политичка и медиумска јавност.
Словенија како претседавач на ЕУ, денеска во Скопје го испраќа министерот за надворешни работи Дмитриј Рупел кој од државно владиниот врв и паритските шефови ќе побара да ги спречат евентуалните насилства и изборни нерегуларности. Меѓународната заедница предупредување испрати и преку двајцата министри за надворешни работи и одбрана Антонио Милошоски и Лазар Еленовски, кои деновиве во Париз и Брисел имаа средби со шефовите на дипломатиите на земјите на ЕУ,САД и генералниот секретар на НАТО Јаап де Хоп Шефер.